Sálfræðingar Seiglu hafa mikla reynslu af vinnu með leik- og grunnskólum, starfsfólki skóla, nemendum og foreldrum. Við sinnum ráðgjöf, handleiðslu, greiningum og viðtalsmeðferðum. Einnig bjóðum við upp á fyrirlestra og námskeið.
Viðtalsmeðferð
Sálfræðingar Seiglu sinna viðtalsmeðferð fyrir börn, unglinga, ungmenni og foreldra. Í fyrsta viðtali er lögð áhersla á kortlagningu vandans og er í flestum tilvikum mælt með að foreldrar barna undir 11 ára aldri mæti án barnsins í fyrsta viðtal. Við vinnum með fjölbreyttan vanda, tilfinningavanda, hegðunarvanda og uppeldisráðgjöf.
Greiningar
Sálfræðingar Seiglu sinna greiningum barna og unglinga . Við leggjum áherslu á fagleg vinnubrögð og að koma málum í viðeigandi farveg í framhaldi af greiningu.
Ráðgjöf
Hjá Seiglu starfa sérfræðingar með víðtæka reynslu. Við tökum að okkur handleiðslu fyrir ýmsa hópa t.d. heilbrigðisstarfsfólk og starfsfólk grunn- og leikskóla.
Námskeið og fyrirlestrar
Við bjóðum upp á fyrirlestra vegna tilfinningavanda, kvíða og fyrirlestra með heilsueflandi nálgun þar sem lögð er áhersla á að byggja upp þrautseigju hjá börnum. Hægt er að óska eftir fyrirlestrum og námskeiðum með því að hafa samband á netfangið seigla@seiglasal.is.
Til að bóka tíma og fá frekari upplýsingar er hægt að hafa samband á netfangið ritari@seiglasal.is og í síma 537-0440.
Drífa Jenný lauk B.A prófi í sálfræði frá HÍ árið 1997 og Cand. Psych. prófi í klínískri sálfræði frá Háskólanum í Aarhus árið 2007. Hún lauk sérnámi í hugrænni atferlismeðferð frá Hí og Oxford Cognitive Therapy Center árið 2017. Drífa Jenný er sérfræðingur í klíniskri barnasálfræði.
Hún hefur haldið námskeið fyrir foreldra og börn varðandi, uppeldi, ADHD og kvíða.
Drífa hefur starfað hjá Þroska og hegðunarstöð, Barna og unglingageðdeild (BUGL), á Barnaspítala hringsins og við skólaþjónustu. Hún hefur rekið eigin sálfræðistofu frá 2015 og er nú í fullu starfi sem sálfræðingur hjá Seiglu sálfræði og ráðgjafastofu.
Drífa sérhæfir sig í tilfinningavanda og áföllum barna og unglinga ásamt því að sinna
uppeldisráðgjöf til foreldra.
Drífa er meðlimur í Sálfræðingafélagi Íslands og Félagi sjálfsstætt starfandi
sálfræðinga.
Lilja Magnúsdóttir lauk BS prófi í sálfræði frá HÍ árið 2009 og Cand. Psych. prófi í klínískri sálfræði frá Háskólanum í Kaupmannahöfn árið 2013 með áherslu á klíníska og taugasálfræði. Hún hefur einnig sótt ýmis námskeið og vinnustofur í hugrænni atferlismeðferð, atferlismeðferð, ACT og DAM. Lilja hefur haldið námskeið fyrir foreldra, unglinga og börn varðandi kvíða, þunglyndi, markmiðssetningu og tilfinningavanda.
Lilja hefur starfað sem sálfræðingur á stofu á Íslandi og í Danmörku, í skólum og á Barna- og unglingageðdeild. Hún sérhæfir sig í tilfinningavanda barna og unglinga, uppeldisráðgjöf til foreldra og frumgreiningum. Lilja er í stjórn sálfræðingafélags Íslands.
Netfang: lilja@seiglasal.is
Gunnhildur lauk BS prófi frá Háskóla Íslands árið 2013 þar sem hún vann lokaverkefni í samstarfi við Barnahús. Hún lauk cand.psych prófi frá Háskóla Íslands árið 2016 og hefur frá útskrift starfað víða með börnum og unglingum. Lengst af hefur hún starfað á Barna- og unglingageðdeild (BUGL) en einnig á Heilsugæslu höfuðborgarasvæðisins og hjá Reykjavíkurborg sem skólasálfræðingur. Helstu áhugasvið hennar felast í því að starfa við meðferð á sálmeinum barna og að vinna með fjölskyldum meðal annars í kjölfar áfalla. Gunnhildur hefur undanfarin ár starfað á sálfræðistofu þar sem hún hefur sérhæft sig í tilfinningavanda barna og unglinga, unnið með kvíða, depurð en einnig átröskunarvanda.
Hún hefur verið stundakennari við Háskóla Íslands og kennt nemendum í sjúkraþjálfun og hjúkrunarfræði. Einnig hefur hún haldið námskeið um kvíða barna, HAM og DAM færniþjálfun.
Gunnhildur sat í stjórn Sálfræðingafélag Íslands í fjögur ár.
Regína lauk B.A prófi í sálfræði frá HÍ árið 2004 og Cand. Psych. prófi í
klínískri sálfræði frá Háskólanum í Aarhus árið 2007.
Hún lauk sérnámi í hugrænni atferlismeðferð árið 2008 og fékk klíníska sérfræðiviðurkenningu árið 2018.
Regína hefur starfað sem sálfræðingur í um 16 ár. Regína starfaði á vefrænum deildum Landspítalans, BUGL, göngudeild geðdeildar á Sjúkrahúsinu á Akureyri, Krabbameinsfélagi Akureyrar og nágrennis og hjá VIRK.
Regína býður upp á meðferð við einkennum kvíða, þunglyndis og áfallastreitu. Einnig býður hún upp á ráðgjöf, stuðning og hugræna atferlismeðferð fyrir þá sem glíma við ADHD. Veitir stuðning og ráðgjöf til þeirra sem glíma við alvarleg veikindi eða eiga aðstandanda með alvarleg veikindi. Regína notast fyrst og fremst við hugræna atferðismeðferð í allri meðferðarvinnu og sinnir fyrst og fremst ungmennum og fullorðnum.
Netfang: regina@seiglasal.is
Svanhildur lauk BS prófi í sálfræði í HÍ árið 2010 og Cand. Psych prófi í klínískri sálfræði frá Háskóla Íslands árið 2012. Hún hefur sótt fjölda námskeiða og vinnustofa, m.a í hugrænni atferlismeðferð, atferlismeðferð, ACT og hefur aflað sér réttinda til þess að halda PEERS félagsfærninámskeið.
Svanhildur starfaði sem skólasálfræðingur þangað til hún flutti til Kaupmannahafnar árið 2015. Í Kaupmannahöfn starfaði Svanhildur lengst af sem sjálfstætt starfandi sálfræðingur, hun sérhæfði sig í vinnu með börnum og fjölskyldum barna með einhverfu og aðrar þroskaraskanir. Einnig sinnti hún ráðgjöf í leikskólum og skólum. Síðastliðið ár hefur Svanhildur verið í samstarfi við skóla sem sérhæfir sig í skólaforðun barna og unglinga.
Svanhildur hefur mikinn áhuga á að vinna með tilfinninga- og félagsfærnivanda barna og unglinga með einhverfu, ADHD og aðrar raskanir í taugaþroska. Áhersla á ráðgjöf og stuðning til foreldra og annarra aðila í nærumhverfi barnsins. Einnig mun Svanhildur sinna frumgreiningum.
Netfang: svanhildur@seiglasal.is
Silja Björk lauk B.A. prófi í sálfræði frá HÍ árið 2008 og meistaragráðu í klínískri sálfræði frá Lund University árið 2012. Silja Björk stundar nú nám í faghandleiðslu við Háskóla Íslands, fyrirhuguð námslok eru í byrjun desember 2024. Hún hefur sótt ýmis námskeið og vinnustofur í hugrænni atferlismeðferð og díalektískri atferlismeðferð (DAM) ásamt áfallameðferð. Silja hefur haldið námskeið fyrir foreldra, unglinga og börn varðandi uppeldi barna, ADHD, OCD, kvíða og tilfinningavanda.
Silja Björk hefur starfað sem sálfræðingur á barna- og unglingageðdeil í Svíþjóð, á Greiningar- og ráðgjafarstöð ríkisins (nú RGR) og í leik- og grunnskólum. Samhlíða starfi sínu á Seiglu starfar hún sem sálfræðingur á Geðheilsumiðstöð barna (áður ÞHS) og sinnir stundakennslu í Borgarholtsskóla. Silja Björk sérhæfir sig í fjölbreyttum taugaþroska, tilfinningavanda barna og unglinga, OCD og uppeldisráðgjöf til foreldra. Að auki tekur hún að sér handleiðslu fagfólks.
Silja Björk lauk B.A. prófi í sálfræði frá HÍ árið 2008 og meistaragráðu í klínískri sálfræði frá Lund University árið 2012. Silja Björk stundar nú nám í faghandleiðslu við Háskóla Íslands, fyrirhuguð námslok eru í byrjun desember 2024. Hún hefur sótt ýmis námskeið og vinnustofur í hugrænni atferlismeðferð og díalektískri atferlismeðferð (DAM) ásamt áfallameðferð. Silja hefur haldið námskeið fyrir foreldra, unglinga og börn varðandi uppeldi barna, ADHD, OCD, kvíða og tilfinningavanda.
Silja Björk hefur starfað sem sálfræðingur á barna- og unglingageðdeil í Svíþjóð, á Greiningar- og ráðgjafarstöð ríkisins (nú RGR) og í leik- og grunnskólum. Samhlíða starfi sínu á Seiglu starfar hún sem sálfræðingur á Geðheilsumiðstöð barna (áður ÞHS) og sinnir stundakennslu í Borgarholtsskóla. Silja Björk sérhæfir sig í fjölbreyttum taugaþroska, tilfinningavanda barna og unglinga, OCD og uppeldisráðgjöf til foreldra. Að auki tekur hún að sér handleiðslu fagfólks
Netfang: siljabjork@seiglasal.is
Helga Maren lauk BS prófi frá Háskóla Íslands árið 2014 og MSc í klínískri sálfræði frá Háskólanum í Reykjavík árið 2020. Hún er með diplómu í uppeldis- og menntunarfræðum frá Háskóla Íslands og hefur sótt ýmis námskeið og vinnustofur í hugrænni atferlismeðferð (HAM) og díalektískri atferlismeðferð (DAM) og haldið námskeið um kvíða barna.
Hún starfar einnig sem sálfræðingur á Heilsugæslu höfuðborgarsvæðisins þar sem hún sinnir greiningu og meðferð barna og ungmenna. Hún hefur starfað hjá Auðnast og Værð, þar sem hún sinnti börnum, ungmennum og fullorðnum. Áður starfaði hún sem ráðgjafi hjá Barnavernd, stuðningsfulltrúi í skammtímadvöl, sem sérkennslustjóri og atferlisþjálfi.
Helga sérhæfir sig í tilfinningavanda barna og unglinga, þar sem hún veitir meðal annars ráðgjöf og einstaklingsmeðferð við kvíða, þunglyndi og lágu sjálfsmati. Hún veitir einnig ráðgjöf til foreldra varðandi fyrrgreindan vanda. Helga notast fyrst og fremst við hugræna atferlismeðferð í sinni meðferðarvinnu.
Netfang: helga@seiglasal.is
Marín Sif lauk BS prófi frá Háskóla Íslands árið 2022 og MSc í klínískri sálfræði frá sama skóla árið 2024. Hún hefur sótt vinnustofur um áráttu- og þráhyggjuröskun (OCD) og verið meðferðaraðili í hópmeðferð fyrir ungmenni með OCD. Auk þess hefur hún verið meðferðaraðili í hópmeðferð fyrir börn með kjörþögli í New York.
Helstu áhugasvið hennar felast í því að starfa við meðferð á sálmeinum barna, þá sérstaklega kvíðaraskanir og áráttu- og þráhyggjuröskun. Marín notast fyrst og fremst við hugræna atferlismeðferð í sinni meðferðarvinnu.
Marín hefur meðal annars verið í starfsþjálfun á BUGL og sinnt viðtölum í Sálfræðiráðgjöfinni í Háskóla Íslands. Áður starfaði hún sem stuðningsfulltrúi í skammtímadvöl.
Marín sinnir bæði viðtölum og greiningum.
Netfang: marinsif@seiglasal.is